Gadael ar neu cyn 31/3/08

Ar 1 Ebrill 2008, cyflwynwyd Cynllun Pensiwn Llywodraeth Leol (CPLlL) 2007 yng Nghymru a Lloegr, sydd wedi gwneud rhai newidiadau i'r modd y cyfrifir budd-daliadau.

Os oeddech wedi gadael y cynllun ar 31 Mawrth 2008 neu cyn hynny, NI fydd cyflwyno'r Cynllun hyn wedi cael unrhyw effaith ar eich budd-daliadau gohiriedig. I gael rhagor o wybodaeth am sut y bydd eich buddion gohiriedig wedi cael eu cyfrifo, ewch i'r adran Cyfrifo eich Buddion a welir isod.

• Pa bryd y gallaf Ymddeol?

  65 yw oed ymddeol arferol y cynllun ond gallwch ddewis, drwy hysbysu'r Gronfa yn ysgrifenedig, i dderbyn eich budd-daliadau CPLlL ar unrhyw adeg o 55 oed ymlaen (yn amodol ar ostyngiad cyn 65 oed).

  Os oeddech wedi gadael y CPLlL â budd-daliadau gohiriedig cyn 1 Ebrill 1998, gallwch dderbyn eich budd-daliadau yn wirfoddol o 55 oed, ond efallai y bydd gennych yr opsiwn i wneud cais i dderbyn eich buddion gohiriedig o 50 oed, yn amodol ar ganiatâd eich cyn-gyflogwr cyn 55 oed.

  Nid oes unrhyw derfyn oedran o gwbl mewn achos o salwch.

  A bydd fy muddion yn cael ei leihau?

  Os ydych yn ymddeol cyn cyrraedd 65 oed, gall eich pensiwn gael ei leihau. Mae'r lleihad yn cael ei gyfrifo yn unol â'r canllawiau a gyhoeddir gan Actiwari'r Llywodraeth.

• Cyfrifo eich Buddion

  Os ydych wedi gadael Cynllun Pensiwn Llywodraeth Leol (CPLlL) ar neu cyn 31 Mawrth 2008, bydd eich buddion wedi cael ei gyfrifo yn unol â'ch cyflog pensiynadwy llawn amser wrth gadael, ac eich aelodaeth o'r cynllun hyd at yr amser hyn.

  Eich Aelodaeth o'r Cynllun

  Mae cyfanswm eich aelodaeth yn cael ei fesur mewn blynyddoedd a diwrnodau ac yn cynnwys y cyfnod o amser yr ydych wedi bod yn aelod o'r CPLlL, yn ogystal ag unrhyw aelodaeth a ddaeth o drosglwyddo hawliau pensiwn blaenorol i'r cynllun.

  Os oeddech yn gweithio'n rhan amser yn ystod y cyfnodau hyn, bydd cyfanswm eich aelodaeth wedi cael ei addasu'n briodol yn unol â'r oriau rhan amser.

  Eich Tâl Terfynol

  Dyma swm y tâl pensiynadwy a gawsoch yn ystod eich blwyddyn olaf o gyflogaeth h.y. 365 diwrnod yn ôl o'ch dyddiad gadael. Fodd bynnag, mae modd seilio eich tâl terfynol ar un o'r ddwy flynedd flaenorol, os yw'n uwch.

  Os ydych yn gweithio'n rhan-amser, bydd eich tâl terfynol yn cael ei gyfrifo fel y tâl llawn amser.

  Noder y bydd goramser angytundebol DDIM yn cael eu cynnwys yn y cyfrifiad o'ch tâl terfynol.

  Cyfrifo eich Buddion Gohiriedig

  Ar gyfer aelodaeth hyd at 31 Mawrth 2008, bydd eich buddion yn cael eu cyfrifo ar 80fed, gyda hawl i lwmp swm awtomatig, sy'n cyfateb i 3 gwaith eich pensiwn blynyddol:

  Aelodaeth ÷ 80 x Tâl Terfynol = Pensiwn Blynyddol

  Ar eich ymddeoliad, bydd hefyd gennych yr opsiwn i ildio rhywfaint o'ch pensiwn i gynyddu eich lwmp swm awtomatig.

  Dalier Sylw

  Fe bydd eich buddion gohiriedig yn cael eu ailbrisio pob mis Ebrill yn ol y Mynegai Prisiau Defnyddwyr (CPI).

• Cyfnewid eich Pensiwn

  Pan fyddwch yn ymddeol, cewch ddewis ildio rhan o'ch pensiwn yn gyfnewid am lwmp swm di-dreth, a elwir yn Cymudo. Byddwch yn derbyn £12 o lwmp swm am bob £1 o bensiwn rydych yn penderfynu ei hildio, hyd at uchafswm o 25% o werth cyfalaf eich budd-daliadau. (Yn ychwanegol i unrhyw hawl lwmp swm awtomatig sydd gennych mewn perthynas â'ch aelodaeth hyd at 31 Mawrth 2008).

  Fodd bynnag, NID yw hyn yn orfodol ac fe allech ddymuno cyfnewid llai na'r uchafswm.

  Pan fyddwch yn ymddeol, byddwch yn cael y wybodaeth hon yn eich pecyn ymddeol, a fydd yn nodi gwerth eich pensiwn sylfaenol a'r uchafswm y gellir ei gyfnewid. Bydd yn rhaid ichi wneud y dewis bryd hyn, neu ddewis cyfnewid swm llai.

  Dalier Sylw

  Os buoch yn cyfrannu i gynllun Cyfraniadau Gwirfoddol Ychwanegol (CGY) mewnol a'ch bod am ystyried defnyddio'r gronfa hon i ychwanegu at eich buddion yn y CPLlL, bydd eich cronfa Cyfraniadau Gwirfoddol Ychwanegol yn rhan o'ch cyfrifiad 'Gwerth Cyfalaf'. I gael rhagor o fanylion, cysylltwch â Chronfa Bensiwn Dyfed. 

  NI fydd lleihau eich pensiwn er rhoi lwmp swm ychwanegol di-dreth i chi eich hun yn lleihau'r pensiwn dilynol i ddibynnydd a allai fod yn daladwy ar eich marwolaeth.