Cynllun Pensiwn Heddlu

Rydym yn eich gwerthfawrogi chi fel aelod ac rydym wedi ymrwymo i ddarparu gwasanaeth o ansawdd uchel i chi ar bob cam o'ch aelodaeth yn y cynllun.

Rydym wedi ymrwymo i ddelio'n effeithiol ag adborth sydd gennych am ein gwasanaethau.  Os ydym wedi gwneud camgymeriad byddwn yn ymddiheuro ac yn ceisio unioni'r sefyllfa cyn gynted â phosibl.

Rydym yn adolygu cwynion yn rheolaidd ac lle bynnag y bo'n bosibl, defnyddiwn y wybodaeth hon i wella'r ffordd yr ydym yn gwneud pethau.  Rydym hefyd yn croesawu sylwadau a chanmoliaeth am y gwasanaethau yr ydym wedi'u darparu.

Os ydych yn dymuno cysylltu â Chronfa Bensiwn Dyfed, gwnewch ddefnydd o'r dudalen Cysylltu â Ni.

• Gweithdrefn Datrys Anghydfod Mewnol (GDAM)

  Os yw eich apêl neu gŵyn yn erbyn y Llu Heddlu yna, yn yr un modd, dylech geisio datrys y broblem gyda nhw i ddechrau. Os byddwch yn methu cael datrysiad boddhaol, yna efallai y byddwch am ystyried rhai llwybrau eraill.

  Ond, sylwer, mae cyfyngiadau amser amrywiol yn berthnasol ar gyfer gwneud yr apeliadau neu gwynion yma sy’n rhedeg o’r dyddiad penderfynu sy’n destun yr apêl ac nid ydynt yn cael eu hymestyn i ystyried ceisiadau i ddatrys y mater gyda’r Llu Heddlu.

  Os ydych yn aelod sy’n gwasanaethu Llu Heddlu, gallwch gysylltu â’ch cymdeithas staff am gyngor. Os ydych wedi ymddeol ac nad ydych yn siŵr ble i droi am gyngor ar anghydfod, efallai y byddwch am gysylltu â’r:

  National Association of Retired Police Officers (NARPO), NARPO House, 38 Bond Street, Wakefield, West Yorkshire, WF1 2QP

  Efallai bod gan NARPO hefyd gangen leol yn eich ardal chi.

  Nodir gweithdrefnau penodol yn Rheoliadau'r Cynllun ar gyfer apeliadau yn erbyn penderfyniadau meddygol. Mae apeliadau eraill yn debygol o gynnwys apêl i Lys y Goron neu at yr Ysgrifennydd Gwladol.