Buddion Marwolaeth

Mae'r Cynllun Pensiwn Llywodraeth Leol (CPLlL) yn cynnig diogeliad i'ch teulu os byddwch yn marw mewn swydd, pan ydych yn aelod gohiriedig neu'n bensiynwr. Bydd eich priod neu bartner sifil cofrestredig yn derbyn pensiwn blynyddol sy'n daladwy am oes, a bydd hefyd yn derbyn grant marwolaeth a delir yn awtomatig os byddwch yn marw a chithau'n aelod gweithredol neu'n aelod gohiriedig.

I sicrhau bod y grant marwolaeth hwn yn cael ei dalu'n brydlon ar eich marwolaeth i dalu costau'n ddi-oed, dylech lenwi ffurflen Mynegi Dymuniad Grant Marwolaeth a'i dychwelyd i Gronfa Bensiwn Dyfed.

• Marwolaeth mewn Swydd

  Os byddwch yn marw a chithau’n gynghorydd ac yn aelod o'r CPLlL, bydd y budd-daliadau canlynol yn daladwy, yn unol â'r amodau cymhwyso a nodwyd:

  • grant marwolaeth ar ffurf cyfandaliad; bydd swm sydd gyfwerth â dwywaith eich Cyflog Cyfartalog eich Gyrfa yn daladwy ni waeth pa mor hir y buoch yn aelod o'r CPLlL; a
  • bydd pensiwn goroeswr yn daladwy naill i'r wraig weddw, gŵr gweddw neu bartner sifil.
• Marwolaeth Aelod Gohiriedig

  Os byddwch yn marw yn aelod gohiriedig o'r Cynllun, caiff eich cyfandaliad (3 x gwerth ei pensiwn blynyddol) dalu ar ffurf grant marwolaeth.

  Bydd pensiwn tymor hir ar gyfer gwraig weddw, gŵr gweddw neu bartner sifil hefyd yn daladwy. Telir pensiwn gwraig weddw, gŵr gweddw neu bartner sifil sydd gyfwerth â hanner eich pensiwn gohiriedig.

• Marwolaeth wedi Ymddeol

  Os byddwch yn marw ar ôl ymddeol, ni fydd eich budd-daliadau bellach yn daladwy. Rhaid i'ch gwraig weddw neu ŵr gweddw, eich perthynas agosaf neu'r sawl sy'n delio â'ch ystâd, gysylltu’n ddiymdroi â Chronfa Bensiwn Dyfed i roi dyddiad eich marwolaeth er atal unrhyw ordaliad.

  Telir grant marwolaeth ar ffurf cyfandaliad os yw aelod yn marw ym mhum mlynedd gyntaf ei ymddeoliad. Mae swm y grant marwolaeth yn cyfateb i'r gwahaniaeth rhwng y pensiwn a dalwyd ichi hyd at ddyddiad eich marwolaeth a'ch pensiwn blynyddol wedi'i luosi â 5.

• Buddion Goroeswyr

  Bydd eich goroeswr h.y. gwraig weddw, gŵr gweddw neu bartner sifil cofrestredig yn cael pensiwn tymor byr am 3 mis wedi eich marwolaeth, neu am 6 mis os oes un neu ragor o blant dibynnol cymwys yng ngofal y wraig weddw, gŵr gweddw neu bartner sifil. Wedi hynny, bydd eich gwraig weddw, gŵr gweddw neu bartner sifil yn cael pensiwn tymor hir.

  Mae'r pensiwn goroeswyr sy'n daladwy yn cael ei gyfrif fel a ganlyn:

  Gwragedd Gweddw

  Y Cyflog Terfynol x Cyfanswm yr Aelodaeth x 1/160 = Pensiwn Blynyddol

  Gwŷr Gweddw

  Y Cyflog Terfynol x Cyfanswm yr Aelodaeth o 5 Ebrill 1988 x 1/160 = Pensiwn Blynyddol

  Partneriaid Sifil Cofrestredig

  Y Cyflog Terfynol x Cyfanswm yr Aelodaeth o 5 Ebrill 1988 x 1/160 = Pensiwn Blynyddol

   

  
  
  

  Dalier Sylw

  Os byddwch yn marw tra byddwch yn gynghorydd, bydd cyfanswm gwerth yr aelodaeth sydd wedi'i chynnwys yng nghyfrifiad eich budd-daliadau goroeswyr yn cynnwys yr aelodaeth ychwanegol y byddech wedi'i chael pe baech wedi ymddeol oherwydd salwch ar y diwrnod y buoch farw.

• Pensiynau Plant

  Os bydd aelod gweithredol o'r Cynllun Pensiwn Llywodraeth Leol (CPLlL) yn marw gan adael un neu fwy o Blant Cymwys, mae ganddynt hawl i bensiwn plentyn, a fydd yn cael eu talu ar y diwrnod yn dilyn marwolaeth yr aelod.

  Mae pensiynau plant yn daladwy i'r rhiant sy'n goroesi neu i'r gwarcheidwad cyfreithiol nes eu bod yn 18 oed. Gall plentyn cymwys fod yn blentyn cyfreithiol, anghyfreithiol, wedi’i fabwysiadu neu’n blentyn sydd wedi’i dderbyn yn aelod o’r teulu ac yn ddibynnol ar yr aelod pan oedd yn cyfrannu i’r Cynllun.

  Rhoddir ystyriaeth arbennig i blentyn sydd yng ngofal rhiant sy'n goroesi a gwarcheidwad pan fo'n blentyn dibynnol o unrhyw oedran sy'n anabl yn gorfforol neu’n feddyliol ac wedi bod felly cyn ei fod yn 18 oed. Bydd y pensiwn yn daladwy cyhyd ag y pery’r anabledd.

  Gellir talu pensiynau i blant dros 18 oed os ydynt yn derbyn addysg amser llawn barhaus neu’n mynychu cwrs hyfforddiant cymeradwy sy'n para am o leiaf 2 flynedd.

  Dalier Sylw

  Nodir os gwelwch yn dda, bod pensiynau plant yn daladwy hyd nes y bydd uchafswm oedran o 23.

  I gael mwy o wybodaeth, cysylltwch â Chronfa Bensiwn Dyfed.