Cyfrifo eich Buddion

Bydd eich buddion pensiwn yn cael eu cyfrifo ar Gyfartaledd Cyflog Gyrfa wedi’i Adbrisio o 1 Ebrill 2014 ymlaen. Fodd bynnag, os daethoch yn aelod o'r cynllun cyn y dyddiad hwn, bydd y buddion rydych wedi eu cronni hyd at 31 Mawrth 2014 yn dal i gael eu cyfrif ar sail Cyflog Terfynol pan fyddwch yn ymddeol, gan ddefnyddio eich cyflog pensiynadwy adeg eich ymddeoliad.

Bydd y buddion pensiwn sy'n daladwy pan fyddwch yn ymddeol wedi'u seilio ar werth cyfunedig eich Cyflog Terfynol a'ch buddion Cyfartaledd Cyflog Gyrfa wedi'i Adbrisio. Hefyd gallwch ddewis ildio rhan o'ch pensiwn er mwyn cael arian parod di-dreth (yn ogystal ag unrhyw hawl sydd gennych i gyfandaliad awtomatig mewn perthynas â'ch aelodaeth o'r cynllun cyn 2008). Cymudo yw'r enw ar hyn. (Cyfnewid eich Pensiwn).

Gwarchodaeth Ychwanegol

Gall fod gwarchodaeth yn ei le os ydych yn nesáu at oedran ymddeol, er mwyn sicrhau y byddwch yn cael pensiwn sy'n gyfwerth o leiaf â'r hyn y byddech wedi'i gael pe bai'r cynllun heb newid ar 1 Ebrill 2014.

Beth os ymunais â'r Cynllun ar ôl 31 Mawrth 2014?

Ni fydd y cyfeiriadau at 'Gyflog Terfynol' a wneir yn yr adran hon yn berthnasol, felly dylid cyfeirio'n unig at adran Buddion Cyfartaledd Cyflog Gyrfa Wedi’i Adbrisio a'r adran Gyfnewid.

• Buddion Tȃl Terfynol

  Os daethoch yn aelod o'r Cynllun Pensiwn Llywodraeth Leol (CPLlL) ar neu cyn 31 Mawrth 2014, bydd eich buddion o ran y cyfnod hwn yn cael ei gyfrifo yn unol â'ch cyflog pensiynadwy llawn amser ar eich ymddeoliad, a eich aelodaeth o'r cynllun hyd at 31 Mawrth 2014.

  Eich Aelodaeth o'r Cynllun

  Mae cyfanswm eich aelodaeth yn cael ei fesur mewn blynyddoedd a diwrnodau ac yn cynnwys y cyfnod o amser yr ydych wedi bod yn aelod o'r CPLlL, yn ogystal ag unrhyw aelodaeth a ddaeth o drosglwyddo hawliau pensiwn blaenorol i'r cynllun.

  Os oeddech yn gweithio'n rhan amser yn ystod y cyfnodau hyn, bydd cyfanswm eich aelodaeth wedi cael ei addasu'n briodol yn unol â'r oriau rhan amser.

  Eich Tâl Terfynol

  Dyma swm y tâl pensiynadwy a gawsoch yn ystod eich blwyddyn olaf o gyflogaeth h.y. 365 diwrnod yn ôl o'ch dyddiad gadael. Fodd bynnag, mae modd seilio eich tâl terfynol ar un o'r ddwy flynedd flaenorol, os yw'n uwch.

  Os ydych yn gweithio'n rhan-amser, bydd eich tâl terfynol yn cael ei gyfrifo fel y tâl llawn amser.

  Noder y bydd goramser angytundebol DDIM yn cael eu cynnwys yn y cyfrifiad o'ch tâl terfynol.

  Cyfrifo eich Buddion Tâl Terfynol

  Ar gyfer aelodaeth hyd at 31 Mawrth 2008, bydd eich buddion yn cael eu cyfrifo ar 80fed, gyda hawl i gyfandaliad awtomatig, sy'n cyfateb i dair gwaith eich pensiwn blynyddol:

  Aelodaeth ÷ 80 x Tâl Terfynol = Pensiwn Blynyddol

  Ar gyfer aelodaeth o 1 Ebrill 2008 i 31 Mawrth 2014, mae'r gyfradd wedi ei osod fel 60fed, ond HEB hawl i gyfandaliad awtomatig .

  Aelodaeth ÷ 60 x Tâl Terfynol = Pensiwn Blynyddol

  Bydd cyfanswm y cyfrifiadau hyn yn ffurfio elfen Tâl Terfynol eich buddion.

  Dalier Sylw

  Os yw eich cyflog wedi cael ei gyfyngu neu ei leihau gan eich cyflogwr, bydd gennych yr opsiwn i gyfrifo eich tâl terfynol fel cyfartaledd o unrhyw 3 blynedd olynol o dâl a gawsoch yn 10 mlynedd olaf eich cyflogaeth (gan orffen ar 31 Mawrth). Os ydych yn credu y gallai hyn fod yn briodol i'ch amgylchiadau, cysylltwch â Chronfa Bensiwn Dyfed.

• Buddion CCGA (CARE)

  Bydd eich buddion Cynllun Pensiwn Llywodraeth Leol yn cael eu cyfrifo o 1 Ebrill 2014 ymlaen ar sail Cyfartaledd Cyflog Gyrfa wedi’i Adbrisio.

  Bydd gennych Gyfrif Pensiwn ar gyfer pob un o'ch cyflogaethau pensiynadwy, sy'n cael ei chredydu'n flynyddol wedyn â'r pensiwn rydych wedi'i gronni o 1 Ebrill hyd at 31 Mawrth.

  Mae'r pensiwn a roddir yn cael ei seilio ar eich union gyflog pensiynadwy, fel y'i haddaswyd gan y gyfradd gronni o 1/49fed. Wedyn bydd pob un o'ch cyfrifon yn crynhoi ac yn cael ei adbrisio bob mis Ebrill yn unol â'r mynegai cost byw priodol.

  Cyfrifo eich Buddion Cyfartaledd Cyflog Gyrfa wedi’i Adbrisio

  Mae'r pensiwn a gredydir i'ch cyfrif bob blwyddyn yn cael ei gyfrif fel a ganlyn:

  Union Gyflog Pensiynadwy o 1 Ebrill hyd at 31 Mawrth ÷ 49 = Pensiwn a roddir

  Dalier Sylw

  Bydd unrhyw daliadau goramser digontract yn cael eu cynnwys yn yr asesiad o'ch cyflog pensiynadwy.

• Cyfnewid eich Pensiwn

  Pan fyddwch yn ymddeol, cewch ddewis ildio rhan o'ch pensiwn yn gyfnewid am gyfandaliad di-dreth; a elwir yn Cymudo. Byddwch yn derbyn £12 o gyfandaliad am bob £1 o bensiwn rydych yn penderfynu ei hildio, hyd at uchafswm o 25% o werth cyfalaf eich budd-daliadau. (Yn ychwanegol i unrhyw hawl gyfandaliad awtomatig sydd gennych mewn perthynas â'ch aelodaeth hyd at 31 Mawrth 2008).

  Fodd bynnag, NID yw hyn yn orfodol ac efallai yr hoffech gyfnewid swm llai na'r uchafswm.

  Pan fyddwch yn ymddeol, byddwch yn cael y wybodaeth hon yn eich pecyn ymddeol, a fydd yn cynnwys eich gwerthoedd pensiwn sylfaenol a'r uchafsymiau y gallwch eu cyfnewid. Dim ond bryd hynny y bydd yn rhaid ichi benderfynu, neu fel arall ddewis cyfnewid swm llai.

  Felly mae digon o amser gennych i benderfynu a chael cyngor ariannol os ydych yn dymuno. Mae'n bwysig eich bod yn cysylltu â'ch Cyflogwr ymhell cyn eich dyddiad ymddeol bwriedig fel y gall rhoi'r amcangyfrifon perthnasol ichi.

  Dalier Sylw

  Os ydych wedi bod yn cyfrannu at drefniant Cyfraniadau Gwirfoddol Ychwanegol (CGY) mewnol ac os ydych am ystyried defnyddio'r gronfa hon i hybu eich buddion CPLlL, bydd eich cronfa CGY yn rhan o'ch cyfrifiad Gwerth Cyfalaf. I gael rhagor o wybodaeth, cysylltwch â Chronfa Bensiwn Dyfed.

  NI fydd lleihau eich pensiwn er rhoi cyfandaliad ychwanegol di-dreth i chi eich hun yn lleihau'r pensiwn dilynol i ddibynnydd a allai fod yn daladwy ar eich marwolaeth.

  Cyfrifo eich Cyfandaliad

  • Cyfrifiannell Cyfandaliad

    https://www.lgpsmember.org/more/lump-sum-calculator.php