Pensiynwyr Newydd

Mae'r adran hon yn cynnwys y wybodaeth sydd ei hangen arnoch os ydych ar fin ymddeol, neu os ydych yn derbyn eich pensiwn CPLlL yn barod.

Mae gwneud y trefniadau angenrheidiol ar gyfer eich ymddeoliad yn gallu bod yn anodd ac yn straen, ond nod Gronfa Bensiwn Dyfed yw bod y newid yn dod mor llyfn â phosibl. Mae'r Gronfa'n annog aelodau i drefnu cyfarfod ag un o'n Swyddogion Pensiwn penodedig a fydd yn esbonio'r weithdrefn a'r dewisiadau sydd gennych a hefyd yn eich helpu i gwblhau'r gwaith papur angenrheidiol.

• Sut y Byddaf yn Ymddeol?

  Os ydych yn dymuno ymddeol o 55 oed, neu os ydych yn credu y gallech fod yn gymwys i ymddeol ar sail salwch, dylech gysylltu â'ch Cyflogwr yn y lle cyntaf. Os, wedi ystyried y mater yn ofalus, y byddwch yn penderfynu mynd rhagddo, bydd eich Cyflogwr yn cysylltu gyda Gronfa Bensiwn Dyfed a bydd y weithdrefn ar gyfer prosesu eich ymddeoliad yn dechrau. Rydych yn gallu wneud cais am Amcangyfrif o'ch budd-daliadau o'r Gronfa, os ydych o fewn 6 mis i'ch dyddiad ymddeol arfaethedig.

  Fel arall, os ydych wedi cofrestru i wasanaeth Fy Mhensiwn Ar-lein, byddwch yn gallu amcangyfri gwerth eich budd-daliadau ar eich dyddiad ymddeol arfaethedig, ar unrhyw adeg.

  Pa wybodaeth sydd angen i brosesu fy mudd-daliadau?

  Bydd eich Cyflogwr yn darparu yr holl gwaith papur angenrheidiol i Gronfa Bensiwn Dyfed. Ar ôl derbyn y wybodaeth hyn, bydd y Gronfa yn cysylltu'n uniongyrchol gyda chi. Byddwch yn derbyn eich opsiynau ymddeol ac yna bydd angen i chi ddychwelyd eich datganiad cyn gynted ag phosibl er mwyn i'ch budd-daliadau i gael ei brosesu mewn modd amserol.

  Bydd gofyn i chi ddarparu copi o'ch Tystysgrif Geni, ac os yn berthnasol, gopi o'ch Tystysgrif Priodas, Datganiad Partneriaeth Sifil neu copi o'ch Archddyfarniad Absoliwt (os ydych wedi ysgaru neu mae eich partneriaeth sifil wedi'i diddymu). Mae gofyn i chi hefyd, os ydych yn briod neu'n bartner sifil datgan, darparu copi o dystysgrif geni eich priod neu eich partner sifil. Os yn gwraig weddw neu'n ŵr weddw, dylech ddarparu copi o dystysgrif marwolaeth eich priod / partner sifil.

  Mae angen manylion eich cyfrif Banc / Cymdeithas Adeiladu ar gyfer holl daliadau gael eu gwneud. Rydych yn gallu talu unrhyw lwmp swm di-dreth i gyfrif wahanol i'r o'ch pensiwn blynyddol. Byddwch yn cael yr opsiwn i gyflwyno manylion cyfrif ar wahân o fewn eich pecyn ymddeol.

  Dalier Sylw

  Os bydd gennych unrhyw ymholiadau ynghylch eich dewisiadau wrth ymddeol, cysylltwch â Chronfa Bensiwn Dyfed.

• Slipiau Talu

  Caiff slipiau talu eu rhoi ym mis Ebrill i'r holl bensiynwyr sydd ddim wedi gofrestru i wasanaeth Fy Pensiwn Ar-lein, i ddangos y cynnydd a roddwyd o dan Ddeddf Pensiynau (Cynnydd) 1971.

  Ar ôl hynny, dim ond pan fydd y pensiwn net fwy na £5.00 yn wahanol i'ch pensiwn net yn y mis blaenorol y bydd slipiau talu'n cael eu rhoi.

  Os nad ydych wedi cofrestru i wasanaeth Fy Mhensiwn Ar-lein eto, cliciwch yma am wybodaeth bellach.

• Treth Incwm

  Mae'n rhaid talu Treth Incwm – Talu wrth Ennill (TWE) ar bensiynau, ac yn ôl y gyfraith, mae'n ofynnol i'r Gronfa gydymffurfio â'r hysbysiad codau a roddir gan Gyllid a Thollau ei Mawrhydi (CThEM).

  Pan fyddwch yn ymddeol, dylai eich cyn-Gyflogwr anfon eich P45 i'r Gronfa. Byddwn yn gweithredu y côd treth o'r P45 ar sail Mis 1, nes i CThEM hysbysu côd priodol newydd.

  Os nad yw eich cod treth yn hysbys ar unwaith, gweithredwyd cod 0T (dim lwfans di-dreth) fel mesur dros dro.

  Dylid cyfeirio pob ymholiad ynghylch codau treth incwm at Gyllid a Thollau ei Mawrhydi:

  Ffôn: 0300 200 1900

  I gael ateb i'ch cwestiwn, bydd yn rhaid ichi roi eich cyfenw, eich Rhif Yswiriant Gwladol a cyfeirnod Cronfa Bensiwn Dyfed, sef: 615 / D6065C.

• Adbrisiad

  Mae budd-daliadau Cynllun Pensiwn Llywodraeth Leol (CPLlL) yn cael eu diogelu'n llwyr rhag chwyddiant ac yn cael eu adbrisio drwy gyfrwng Deddf (Cynyddu) Pensiynau 1971.

  Ym mis Ebrill y mae pensiynau'n cael eu adbrisio ac mae'r adbrisiad yn seiliedig ar gyfradd chwyddiant yn unol â'r Mynegai Prisiau Defnyddwyr. Mae'r adbrisiad yn gymwys yn awtomatig i bensiynau salwch a phensiynau dibynyddion ac i unrhyw daliadau eraill i bensiynwyr pan gyrhaeddant 55 oed.

  Bydd y pensiynwyr hynny sydd rhwng 50 a 55 oed yn gymwys i'r adbrisiad pan fyddwn yn cyrraedd 55 oed a byddant yn cael effaith gyfansawdd y chwyddiant ers iddynt ymddeol ond ni ellir gwneud taliadau ôl-weithredol.

  Pan fydd yr adbrisiad wedi'i roi ar waith, bydd y Gronfa'n anfon datganiad atoch cyn diwedd Ebrill a fydd yn dangos yr adbrisiad yng ngwerth eich pensiwn blynyddol. Ar y llaw arall, os ydych wedi cofrestru i wasanaeth Fy Mhensiwn Ar-lein, fe bydd y manylion hyn i weld ar-lein a NI fyddwch yn derbyn copi caled o'r datganiad.