Bas Data Y.G. Genedlaethol

Mae Gronfa Bensiwn Dyfed yn cymryd rhan mewn trefniant rhannu data gyda chronfeydd pensiynau CPLlL eraill yng Nghymru, Lloegr a'r Alban. Mae hyn yn cael ei wneud er mwyn cydymffurfio â gofynion cyfreithiol a gynhwysir yn y rheoliadau sy'n llywodraethu'r CPLlL.

Mae darpariaethau a geir yn Rheoliadau CPLlL 2013 yn golygu, os bydd aelod o'r CPLlL yn marw, mae angen i weinyddwyr y cynllun wybod os oedd gan yr unigolyn gyfnodau eraill o aelodaeth CPLlL mewn rhannau eraill o'r wlad, fel y gall y buddion marwolaeth gywir cael eu cyfrifo a’u talu i ddibynyddion yr aelod ymadawedig.

Gan fod y CPLlL yn cael ei weinyddu yn lleol, mae gan bob Cronfa Bensiwn cofnodion aelodaeth eu hun ac mae'n gallu bod yn anodd dweud os oes gan unigolyn cofnodion CPLlL eraill a lle mae'r rhain yn cael eu cynnal. Er mwyn cydymffurfio â'r gofynion a nodir uchod, mae Bas Data cenedlaethol wedi cael ei ddatblygu a fydd yn galluogi cronfeydd i wirio a oes gan eu haelodau gofnodion pensiynau CPLlL mewn cronfeydd pensiwn eraill.

• Pa ddata sy'n cael ei rannu?

  Ar gyfer pob aelod o’r CPLlL (boed yn actif, gohiriedig neu bensiynwr), mae’r Bas Data yn dangos rhif Y.G. yr unigolyn, statws aelodaeth yr unigolyn, y flwyddyn galendr diwethaf fod statws aelodaeth wedi newid, a rhif pedwar digid yn cadarnhau'r Gronfa Bensiwn CPLlL lle mae record yr aelod yn cael ei gynnal.

• Pwy sy'n cynnal y Bas Data?

  Mae’r Bas Data yn cael ei gynnal gan Awdurdod Pensiynau De Swydd Efrog, sy’n Gronfa Bensiwn CPLlL.

• Sut y bydd y data a gedwir ar y Bas Data yn cael ei brosesu?

  Bydd y data a gedwir ar y Bas Data yn cael ei brosesu yn unol â Deddf Diogelu Data 1998 a deddfwriaeth berthnasol eraill.

• A oes unrhyw ddibenion eraill y bydd y Bas Data yn cael ei ddefnyddio ar ei gyfer?

  Bydd detholiad o'r wybodaeth aelodaeth a gynhwysir yn y Bas Data yn cael ei rannu gyda'r Adran Gwaith a Phensiynau (AGPh) o dro i dro fel y gall y CPLlL ymuno â'r gwasanaeth Dywedwch Wrthym Unwaith (DWU). Mae’r gwasanaeth DWU yn cael ei gynnig ar draws rhan fwyaf o'r wlad pan fydd unigolyn yn cofrestru marwolaeth. Pan fydd y CPLlL yn ymuno gyda DWU a marwolaeth aelod o'r CPLlL yn cael ei gofrestru, bydd y systemau AGPh yn sicrhau bod y Gronfa Bensiwn CPLlL yn cael gwybod am y farwolaeth, sy'n golygu y gall cofnodion yr aelod cael ei brosesu yn gynt nag y byddai fel arall.

• Gyda phwy a rennir y data?

  Cronfeydd pensiwn CPLlL eraill. Mae'r rhain yn gyrff cyhoeddus a enwir yn y ddeddfwriaeth fel awdurdodau gweinyddu’r CPLlL. Ar gyfer y gwasanaeth DWU, bydd detholiad o Rifau Y.G. unigolion o’r Bas Data yn cael ei rannu yn ddiogel gyda AGPh bob mis er mwyn iddynt gadw cofnod cyfredol o aelodaeth y CPLlL.

• Am ba mor hir bydd y rhannu data yn cael ei wneud?

  Am gyhyd ag a) bod gofynion rheoleiddio perthnasol yn parhau i fod, ac b) bod y CPLlL yn cymryd rhan yn y gwasanaeth DWU. Os ni fydd un o'r uchod yn berthnasol, yna bydd y rhannu data yn dod i ben.

• A allaf optio allan o'r rhannu data?

  Na. Gan fod y rannu data yn cael ei wneud yn rhannol i gydymffurfio â gofyniad cyfreithiol, NID yw'n bosibl i aelodau'r cynllun optio allan o'r rhannu data.