Gadael ar neu arôl 1/4/14

Ar 1 Ebrill 2014, cyflwynwyd Cynllun Pensiwn Llywodraeth Leol (CPLlL) 2013 yng Nghymru a Lloegr, sydd wedi gwneud rhai newidiadau i'r modd y cyfrifir budd-daliadau.

Os oeddech wedi gadael y cynllun ar neu arôl 1 Ebrill 2014, bydd cyflwyniad y Cynllun hwn wedi effeithio ar cyfrifo eich buddion gohiriedig os daethoch yn aelod ar neu cyn 31 Mawrth 2014. I gael rhagor o wybodaeth am sut y bydd eich buddion gohiriedig wedi cael eu cyfrifo, ewch i'r adran Cyfrifo eich Buddion a welir isod.

• Pa bryd y gallaf Ymddeol?

  Mae Oedran Pensiwn Arferol (OPA) y cynllun yn gysylltiedig â'ch Oedran Pensiwn y Wladwriaeth (SPA), ond gallwch ddewis, yn ysgrifenedig i'r Gronfa, i dderbyn eich budd-daliadau CPLlL ar unrhyw adeg o 55 oed ymlaen (yn amodol ar ostyngiad cyn eich SPA) .

  Nid oes unrhyw derfyn oedran o gwbl mewn achos o salwch.

  A fydd fy muddion yn cael ei leihau?

  Os ydych yn ymddeol cyn cyrraedd eich SPA, gall bod eich pensiwn yn cael ei leihau. Mae'r lleihad yn cael ei gyfrifo yn unol â'r canllawiau a gyhoeddir gan Actiwari'r Llywodraeth.

• Cyfrifo eich Buddion

  Os oeddech wedi gadael y cynllun ar 1 Ebrill 2014 neu ar ôl hynny, cyfrifir eich buddion gohiriedig ar sail Cyfartaledd Cyflog Gyrfa wedi'i adbrisio (CARE) o 1 Ebrill 2014. Fodd bynnag, os oeddech wedi ymaelodi â'r cynllun cyn y dyddiad hwn, bydd y buddion yr oeddech wedi'u cronni hyd 31 Mawrth 2014 yn parhau i gael eu cyfrifo ar sail Cyflog Terfynol, gan ddefnyddio'ch cyflog pensiynadwy ar y dyddiad yr oeddech wedi gadael y cynllun.

  Bydd eich buddion Cyflog Terfynol a'r Cyfartaledd Cyflog Gyrfa wedi'i Adbrisio gyda'i gilydd yn rhoi cyfanswm eich buddion gohiriedig. Hefyd, gallwch ddewis ildio rhan o'ch pensiwn a derbyn arian parod di-dreth (yn ychwanegol at y lwmp swm awtomatig y gallech ei dderbyn mewn perthynas â'ch aelodaeth o'r cynllun cyn 2008. Cymudo yw'r enw ar hyn. (Cyfnewid eich Pensiwn).

  Beth petawn i wedi ymuno â'r Cynllun ar 1 Ebrill 2014 neu ar ôl hynny?

  NI FYDD y cyfeiriadau at 'Gyflog Terfynol' yn yr adran hon yn berthnasol i chi. Dylech ddarllen yr adrannau ynghylch Buddion Cyfartaledd Cyflog Gyrfa wedi'i Adbrisio (CARE) a Chyfnewid eich Pensiwn yn unig.

• Buddion Tȃl Terfynol

  Os ydych wedi gadael Cynllun Pensiwn Llywodraeth Leol (CPLlL) ar neu arôl 1 Ebrill 2014, a fe dechreuwyd yn y cynllun ar neu cyn 31 Mawrth 2014, bydd eich aelodaeth hyd at 31 Mawrth 2014 wedi cael ei gyfrifo yn unol â'ch cyflog pensiynadwy llawn amser ar eich dyddiad gadael neu dyddiad optio allan.

  Eich Aelodaeth o'r Cynllun

  Mae cyfanswm eich aelodaeth yn cael ei fesur mewn blynyddoedd a diwrnodau ac yn cynnwys y cyfnod o amser yr ydych wedi bod yn aelod o'r CPLlL, yn ogystal ag unrhyw aelodaeth a ddaeth o drosglwyddo hawliau pensiwn blaenorol i'r cynllun.

  Os oeddech yn gweithio'n rhan amser yn ystod y cyfnodau hyn, bydd cyfanswm eich aelodaeth wedi cael ei addasu'n briodol yn unol â'r oriau rhan amser.

  Eich Tâl Terfynol

  Dyma swm y tâl pensiynadwy a gawsoch yn ystod eich blwyddyn olaf o gyflogaeth h.y. 365 diwrnod yn ôl o'ch dyddiad gadael. Fodd bynnag, mae modd seilio eich tâl terfynol ar un o'r ddwy flynedd flaenorol, os yw'n uwch.

  Os ydych yn gweithio'n rhan-amser, bydd eich tâl terfynol yn cael ei gyfrifo fel y tâl llawn amser.

  Noder y bydd goramser angytundebol DDIM yn cael eu cynnwys yn y cyfrifiad o'ch tâl terfynol.

  Cyfrifo eich Buddion Gohiriedig

  Ar gyfer aelodaeth hyd at 31 Mawrth 2008, bydd eich buddion yn cael eu cyfrifo ar 80fed, gyda hawl i lwmp swm awtomatig, sy'n cyfateb i 3 gwaith eich pensiwn blynyddol:

  Aelodaeth ÷ 80 x Tâl Terfynol = Pensiwn Blynyddol

  Ar gyfer aelodaeth o 1 Ebrill 2008 i 31 Mawrth 2014, mae'r gyfradd wedi ei osod fel 60fed, ond HEB hawl i gyfandaliad awtomatig.

  Aelodaeth ÷ 60 x Tâl Terfynol = Pensiwn Blynyddol

  Bydd cyfanswm eich pensiwn 80fed â'ch pensiwn 60fed yn hafal i gyfanswm eich Pensiwn Gohiriedig Blynyddol, a bydd gennych elfen y lwmp swm awtomatig mewn perthynas â'ch aelodaeth cyn 31 Mawrth 2008

  Fodd bynnag, bydd hefyd gennych yr opsiwn i ildio rhywfaint o'ch pensiwn i gynyddu eich lwmp swm awtomatig / neu i greu rhyw faint o arian di-dreth os dechreuwyd yn y cynllun ar neu arôl 1 Ebrill 2008.

  Dalier Sylw

  Fe bydd eich buddion gohiriedig yn cael eu ailbrisio pob mis Ebrill yn ol y Mynegai Prisiau Defnyddwyr (CPI).

• Buddion CCGA (CARE)

  Yng nghyswllt eich aelodaeth o 1 Ebrill 2014 ymlaen, cyfrifir eich buddion gohiriedig ar sail Cyfartaledd Cyflog Gyrfa wedi'i Adbrisio (CCGA neu CARE yn y Saesneg).

  Pan oeddech yn aelod gweithredol, byddech wedi cael cyfrif pensiwn ar gyfer pob cyflogaeth bensiynadwy oedd gennych. Byddai'r rhain wedi derbyn credyd yn flynyddol yn unol â'r pensiwn yr oeddech wedi'i gronni o 1 Ebrill tan 31 Mawrth.

  Byddai'r pensiwn a roddwyd wedi'i seilio ar eich union gyflog pensiynadwy, wedi'i addasu gan y raddfa gronni sef 1/49fed. Byddai eich cyfrif / cyfrifon wedi cronni ac wedi cael eu hadbrisio bob Ebrill yn unol â'r mynegrif costau byw perthnasol.

  Cyfrifo'r Cyfartaledd Cyflog Gyrfa wedi'i Adbrisio sy'n rhan o'ch Buddion Gohiriedig

  Byddai'r pensiwn a gredydwyd i'ch cyfrif bob blwyddyn wedi cael ei gyfrif fel a ganlyn:

  Yr 'Union Gyflog Pensiynadwy’ o 1 Ebrill tan 31 Mawrth ÷ 49 = y Pensiwn a roddwyd

  Dalier Sylw

  Byddai taliadau goramser digontract wedi'u cynnwys yn yr asesiad o'ch cyflog pensiynadwy.

• Cyfnewid eich Pensiwn

  Pan fyddwch yn ymddeol, cewch ddewis ildio rhan o'ch pensiwn yn gyfnewid am lwmp swm di-dreth, a elwir yn Cymudo. Byddwch yn derbyn £12 o lwmp swm am bob £1 o bensiwn rydych yn penderfynu ei hildio, hyd at uchafswm o 25% o werth cyfalaf eich budd-daliadau. (Yn ychwanegol i unrhyw hawl lwmp swm awtomatig sydd gennych mewn perthynas â'ch aelodaeth hyd at 31 Mawrth 2008).

  Fodd bynnag, NID yw hyn yn orfodol ac fe allech ddymuno cyfnewid llai na'r uchafswm.

  Pan fyddwch yn ymddeol, byddwch yn cael y wybodaeth hon yn eich pecyn ymddeol, a fydd yn nodi gwerth eich pensiwn sylfaenol a'r uchafswm y gellir ei gyfnewid. Bydd yn rhaid ichi wneud y dewis bryd hyn, neu ddewis cyfnewid swm llai.

  Dalier Sylw

  Os buoch yn cyfrannu i gynllun Cyfraniadau Gwirfoddol Ychwanegol (CGY) mewnol a'ch bod am ystyried defnyddio'r gronfa hon i ychwanegu at eich buddion yn y CPLlL, bydd eich cronfa Cyfraniadau Gwirfoddol Ychwanegol yn rhan o'ch cyfrifiad 'Gwerth Cyfalaf'. Cysylltwch â Chronfa Bensiwn Dyfed i gael rhagor o fanylion.

  NI fydd lleihau eich pensiwn er rhoi lwmp swm ychwanegol di-dreth i chi eich hun yn lleihau'r pensiwn dilynol i ddibynnydd a allai fod yn daladwy ar eich marwolaeth.