Cynllun Pensiwn Heddlu

Os byddwch yn gadael y Llu Heddlu tra yn aelod gweithredol o'r Cynllun 2015, neu os ydych yn dewis optio allan o'r cynllun cyn ymddeol, mae yna nifer o opsiynau ar gael i chi.

Gallwch ddewis optio allan o Gynllun 2015 ar unrhyw adeg trwy anfon Datganiad Optio Allan i’ch Llu Heddlu. Os byddwch chi’n dewis optio allan yn y 3 mis cyntaf ar ôl ymuno â’r Llu Heddlu, mae eich penderfyniad yn cael ei ôl-ddyddio i’r dyddiad y daethoch yn aelod o’r Llu Heddlu.

Os byddwch yn dewis optio allan o Gynllun 2015 gyda llai na 2 flynedd o wasanaeth cymwys ac nad ydych wedi trosglwyddo unrhyw wasanaeth i mewn, bydd eich cyfraniadau pensiwn yn cael eu had-dalu. I'r gwrthwyneb, os byddwch yn cronni 2 flynedd neu fwy o wasanaeth cymwys ac yna'n gadael, bydd eich budd-daliadau yn cael ei ohirio h.y. buddion Gohiriedig.

Os byddwch yn dewis gadael Cynllun 2015 ar unrhyw ddyddiad yn y dyfodol, bydd eich penderfyniad yn dod i rym o ddechrau eich cyfnod tâl nesaf ar ôl i’ch Llu Heddlu dderbyn eich datganiad optio allan neu ar unrhyw ddyddiad wedyn y mae eich Llu Heddlu yn ei ystyried yn addas.

Os byddwch yn dewis optio allan o Gynllun 2015 gallwch ail-ymuno os dymunwch. Gall hyn fod yn amodol ar archwiliad meddygol, ar eich traul chi, i benderfynu a fyddwch yn gymwys i gael buddion afiechyd.

• Ad-daliad o Chyfraniadau

  Os byddwch yn gadael y Llu Heddlu gyda llai na dwy flynedd o wasanaeth cymwys a heb hawl i unrhyw fudd arall dan Gynllun 2015, efallai y byddwch yn gymwys i gael eich cyfraniadau pensiwn yn ôl dan Gynllun 2015, llai treth a ddidynnwyd.

  Ar y llaw arall, yn yr un modd ag unrhyw un sy’n gadael, gallwch ofyn i’ch buddion dan Gynllun 2015 gael eu trosglwyddo i gynllun pensiwn arall. Dylech nodi mai dim ond y cyfraniadau yr ydych chi wedi eu talu fydd yn cael eu had-dalu.

  Os byddwch yn dewis eithrio o Gynllun 2015 ar ôl 3 mis ond cyn 2 flynedd o Wasanaeth Cymwys byddwch yn cael ad-daliad o’ch cyfraniadau pensiwn wrth adael y Llu Heddlu.

  Yr eithriad i hyn yw os byddwch yn anaddas yn feddygol yn barhaol o ganlyniad i niwed a gawsoch wrth gyflawni eich dyletswydd a bod eich Llu Heddlu yn eich ymddeol yn orfodol ar sail afiechyd; yna bydd gennych hawl i bensiwn dan Gynllun 2015.

• Buddion Gohiriedig

  Byddwch yn dod yn Aelod Gohiriedig os oes gennych o leiaf ddwy flynedd o Wasanaeth Cymwys ac:

  • eich bod yn gadael y Llu Heddlu cyn OPIA; neu
  • eich bod yn gadael y llu heddlu ar ôl cyrraedd OPIA, ond cyn cyrraedd eich SPA ac nad ydych yn cymryd eich pensiwn; neu
  • eich bod yn dewis optio allan.

  Os byddwch yn ailymuno â’r Llu Heddlu neu yn dewis ailymuno â’r cynllun cyn pen 5 mlynedd byddwch yn dod yn aelod gweithredol eto. Fel arall byddwch yn parhau yn aelod gohiriedig. Oni bai eich bod yn trosglwyddo eich buddion Cynllun 2015 i gynllun pensiwn arall, neu bod pensiwn gohiriedig yn dod i gael ei dalu yn gynnar, byddwch yn derbyn Pensiwn Gohiriedig pan gyrhaeddwch eich Oedran Pensiwn Wladwriaeth (OPW), a all newid yn y dyfodol.

  Bydd Pensiwn Gohiriedig yn cael ei gynyddu yn unol â CPI dan Ddeddf Pensiynau (Cynyddu) 1971 o’r amser y byddwch yn gadael y Llu Heddlu neu yn dewis eithrio hyd y dyddiad pan fydd eich buddion yn dod yn daladwy.

  Enghraifft

  Mae aelod yn gadael y Llu Heddlu yn 50 oed gyda phensiwn a enillwyd a grynhowyd o £20,000 y flwyddyn. Pan fydd ef/hi yn gadael, bydd ei b/phensiwn a enillwyd a grynhowyd yn cynyddu yn unol â CPI dan Ddeddf Pensiynau (Cynyddu) 1971 a bydd yn daladwy ar ei SPA ef/hi).

  Tybiwn, erbyn yr adeg y bydd yn cyrraedd ei SPA bod ei B/phensiwn Gohiriedig ef/hi wedi cynyddu dan Ddeddf Pensiynau (Cynyddu) 1971 o 40%. Bydd yr aelod felly yn gallu ymddeol ar ei SPA gyda phensiwn o tua £28,000 (£20,000 + 40%).

  Wrth ymddeol, mae gan yr aelod y dewis i gymudo pensiwn am gyfandaliad ar gyfradd o £12 o gyfandaliad am bob £1 o bensiwn a ildir. Ni all y cyfandaliad cymudo fod yn fwy na 25% o werth pensiwn yr aelod.

• Ail-Ymuno a'r Cynllun

  Os ydych yn dychwelyd i’r Llu Heddlu ar ôl bwlch yn eich gwasanaeth (nid yw hyn yn cynnwys seibiant gyrfa) nad yw’n hwy na 5 mlynedd, efallai y byddwch yn medru crynhoi buddion y dyfodol yng Nghynllun 2015.

  Os dewch chi yn aelod gweithredol o Gynllun 2015 eto ar ôl bwlch yn eich gwasanaeth nad yw’n hwy na 5 mlynedd bydd eich pensiwn Cynllun 2015 yn cael ei ailbrisio fel petaech, yn ystod y bwlch yn eich gwasanaeth, yn aelod gweithredol (h.y. wedi ei ailbrisio yn unol â CPI+1.25% y flwyddyn) ond fel petaech heb dderbyn unrhyw Enillion Pensiynadwy.

  Os dewch chi yn aelod gweithredol o Gynllun 2015 eto ar ôl bwlch yn eich gwasanaeth sy’n fwy na 5 mlynedd, bydd y pensiwn sydd wedi ei grynhoi dan Gynllun 2015 cyn eich bwlch mewn gwasanaeth yn bensiwn gohiriedig a bydd yn cael ei ailbrisio yn unol â CPI yn flynyddol o’r dyddiad pan wnaethoch gychwyn ar eich bwlch mewn gwasanaeth. Bydd y pensiwn wedi ei grynhoi yn ystod eich cyfnod gwasanaeth presennol fel aelod gweithredol yn cael ei ailbrisio yn unol â CPI + 1.25% y flwyddyn tra byddwch yn parhau yn aelod gweithredol.

  Dalier Sylw

  Fe'ch cynghorir yn gryf i wirio eich sefyllfa ynghylch diogelu eich hawliau cronedig a mesurau diogelu eraill o dan y Cynllun 1987 neu Gynllun 2006.

  Ar gyfer dibenion y Ddolen Cyflog Terfynol (a ddefnyddir i gyfrifo buddion dan Gynllun 1987 neu Gynllun 2006), bydd gwasanaeth dan Gynllun 1987 neu Gynllun 2006 yn cael ei gymryd fel petai’n dod i ben pan wnaethoch gychwyn ar eich bwlch gwasanaeth, felly fe’ch cynghorir yn gryf i wirio eich sefyllfa.

• Trosglwyddo eich Buddion

  Os byddwch yn gadael y llu heddlu neu yn dewis eithrio o Gynllun 2015 cyn eich Oedran Pensiwn Arferol (OPA), efallai y bydd gennych ddewis o opsiynau ar gyfer eich buddion. Bydd eich dewis yn dibynnu ar hyd eich gwasanaeth cymwys. Os yw cyfanswm eich gwasanaeth cymwys yn llai na 3 mis, yna bydd eich cyfraniadau yn cael eu had-dalu.

  Fodd bynnag, os yw cyfanswm eich gwasanaeth cymwys yn 3 mis neu fwy, ond yn llai na 2 flynedd, eich dewis yw trosglwyddo eich Buddion Cynllun 2015 i gynllun pensiwn arall, neu ad-daliad o’ch cyfraniadau. Os oes gennych ddwy flynedd neu fwy o wasanaeth cymwys eich dewisiadau yw trosglwyddo eich Buddion Cynllun 2015 allan i gynllun pensiwn arall, neu gadw buddion gohiriedig yng Nghynllun 2015.

  Efallai y byddwch yn gallu trosglwyddo eich buddion Cynllun 2015 i gynllun pensiwn gwasanaeth cyhoeddus arall, neu i gynllun pensiwn arall sydd wedi ei gofrestru gyda Chyllid a Thollau EM. Bydd y taliad trosglwyddo ar ffurf gwerth trosglwyddo yn cyfateb i arian parod.

  Mae nifer o faterion i’w hystyried cyn trosglwyddo:

  • Dylech fod yn ymwybodol y gall cyfyngiadau amser fod yn berthnasol (e.e. 12 mis i drosglwyddo ar ôl ymuno â chynllun clwb)
  • Os byddwch yn derbyn ad-daliad o’ch cyfraniadau, nid oes gennych hawl i Bensiwn Gohiriedig a dim ond os gwnewch chi ad-dalu yr ad-daliad cyfraniadau yn gyntaf y bydd trosglwyddo allan yn bosibl.
  • Efallai na fydd y gwerth trosglwyddo yn prynu yr un faint o bensiwn a grynhowyd yn eich cynllun newydd – dylai amcangyfrif gan eich cynllun newydd roi syniad i chi.

  Dalier Sylw

  Argymhellir yn gryf i geisio Cyngor Ariannol Annibynnol cyn penderfynu p'un ai i drosglwyddo eich buddion o'r Cynllun 2015.

  Mae’r Llywodraeth wedi cyfyngu ar drosglwyddiadau o gynlluniau pensiwn y gwasanaeth cyhoeddus sydd heb eu hariannu (fel Cynlluniau Pensiwn yr Heddlu) i Gynlluniau Pensiwn Cyfraniadau Diffiniedig a threfniadau buddion hyblyg eraill o 6 Ebrill 2015 ymlaen.