Cyfraniadau

Eich cyflogwr sy'n darparu'r Cynllun Pensiwn Llywodraeth Leol (CPLlL) ar eich cyfer ac ef felly sy'n talu'r rhan fwyaf o gost eich budd-daliadau. Mae'r swm yr ydych chi'n ei dalu yn dibynnu ar yr hyn yr ydych yn ei ennill, ond bydd rhwng 5.5 a 12.5% o'ch cyflog pensiynadwy o dan BRIF Adran y Cynllun.

Mae'r gyfradd yr ydych yn ei thalu yn dibynnu ar y band sy'n gymwys i chi, ond fydd yn seiliedig ar eich cyflog pensiynadwy gwirioneddol. Fodd bynnag, mae'r swm yr ydych yn ei dalu mewn gwirionedd yn llawer llai nag y tybiwch gan fod y cyfraniadau yn ddi-dreth.

Fel aelod o'r CPLlL, gallwch ddewis peidio â bod yn rhan o'r cynllun ar unrhyw adeg. Fodd bynnag nid yw hwn yn benderfyniad y dylid ei wneud ar chwarae bach.

Fel dewis arall, gallwch ddewis haneru eich cyfradd gyfrannu arferol, er mwyn cronni hanner lefel y pensiwn yn y cynllun yn ystod y cyfnod hwn, a allai fod yn well dewis na pheidio â bod yn rhan o'r cynllun o gwbl. Gelwir hyn yn Adran 50/50 y Cynllun.

• BRIF Adran

  Byddwch yn dechrau talu cyfraniadau o dan BRIF Adran y cynllun, oni bai eich bod yn gwneud etholiad i dalu o dan yr Adran 50/50.

  Mae'r Trefniad Bandiau Cyfraniadau ar gyfer BRIF Adran y Cynllun ar gyfer y cyfnod o 1 Ebrill 2025 i 31 Mawrth 2026 fel a ganlyn.

  Eich Cyflog Pensiynadwy Gwirioneddol	Cyfradd Cyfrannu i'r BRIF Adran
  Hyd at £17,800	5.50%
  £17,801 i £28,000	5.80%
  £28,001 i £45,600	6.50%
  £45,601 i £57,700	6.80%
  £57,701 i £81,000	8.50%
  £81,001 i £114,800	9.90%
  £114,801 i £135,300	10.50%
  £135,301 i £203,000	11.40%
  Yn fwy na £203,001	12.50%

• Adran 50/50

  Mae'r Trefniad Bandiau Cyfraniadau ar gyfer Adran 50/50 y Cynllun ar gyfer y cyfnod o 1 Ebrill 2024 i 31 Mawrth 2026 fel a ganlyn.

  Eich Cyflog Pensiynadwy Gwirioneddol	Cyfradd Cyfrannu i'r Adran 50/50
  Hyd at £17,800	2.75%
  £17,801 i £28,000	2.90%
  £28,001 i £45,600	3.25%
  £45,601 i £57,700	3.40%
  £57,701 i £81,000	4.25%
  £81,001 i £114,800	4.95%
  £114,801 i £135,300	5.25%
  £135,301 i £203,000	5.70%
  Y fwy na £203,001	6.25%

  Sut rwyf yn dewis yr Opsiwn 50/50?

  Bydd yn rhaid ichi roi gwybod i'ch Cyflogwr yn ysgrifenedig a chaiff eich cyfradd gyfrannu ei lleihau o'r cyfnod cyflog nesaf. Rydych yn gallu derbyn y Ffurflen Etholiad priodol drwy gysylltu â'ch Cyflogwr.

  Gallwch ddychwelyd i'ch cyfradd gyfrannu arferol ar unrhyw adeg, drwy roi gwybod i'ch Cyflogwr yn ysgrifenedig. Wedyn bydd trefn y buddion llawn yn cael ei hailddechrau o'r cyfnod cyflog nesaf.

  Sylwch taw diben yr opsiwn hwn yw bod yn ateb yn y tymor byr mewn cyfnodau anodd yn ariannol. Bydd yn ofynnol i’ch Cyflogwr eich ailgofrestru ym 'mhrif adran' y cynllun bob tair blynedd. Caiff hyn ei wneud yn unol â dyddiad ailgofrestru awtomatig eich Cyflogwr.

  Tra byddwch yn cyfrannu o dan yr Adran 50/50, byddwch yn cadw'r ddarpariaeth lawn o ran salwch / marwolaeth.