Cynllun Pensiwn Diffoddwyr Tân

Os nad ydych yn dymuno bod yn aelod o GDT 1992, gallwch adael unrhyw adeg drwy roi rhybudd ysgrifenedig i’r Gwasanaeth Tân ac Achub (GTA). Bydd y rhybudd yn dod i rym o’r dyddiad cyflog nesaf. Gyda fwy na 2 flynedd o wasanaeth, bydd gennych hawl i bensiwn gohiriedig neu drosglwyddo’r hawliau pensiwn a gronnwyd i drefniant pensiwn arall.

O adael y Cynllun, NI fyddwch mwyach yn derbyn buddion CDT 1992 (heblaw am y rheiny a ddarperir gan bensiwn gohiriedig). Mewn achos o anaf cymwys fodd bynnag, byddwch yn parhau i ddod o dan ddarpariaethau Cynllun Iawndal Diffoddwyr Tân.

Os byddwch yn newid eich meddwl yn y man ac yn dymuno ailymuno â’r cynllun, byddwch wedyn yn ymuno a Cynllun 2015. Bydd eich dewis i ymuno â’r Cynllun yn dod i rym ar y dyddiad cyflog nesaf.

• Buddion Gohiriedig

  Os ydych yn gadael eich gwaith fel ddiffoddwr tân ac yn bodloni’r canlynol, byddwch yn gymwys i dderbyn pensiwn gohiriedig:

  • mae gennych 2 flynedd o leiaf o wasanaeth pensiynadwy, neu os yw’r cyfnod yn llai, rydych wedi trosglwyddo hawliau pensiwn blaenorol i GDT 1992; ac
  • nid oes hawl gennych i dderbyn pensiwn ymddeol yn ddi-oed gan nad ydych yn ddigon hen a/neu nid oes gennych y gwasanaeth angenrheidiol; ac
  • nid ydych yn ymddeol ar sail salwch.

  Bydd gennych hefyd hawl i bensiwn gohiriedig os ydych wedi gadael Cynllun 1992 a chithau’n dal i fod yn ddiffoddwr tân, a bwrw bod gennych 2 flynedd o leiaf o wasanaeth pensiynadwy neu yr ydych wedi trosglwyddo pensiwn personol i GDT 1992.

  Dalier Sylw

  Caiff pensiwn gohiriedig ei dalu ar gyrraedd 60 oed. Gellir ei dalu’n gynharach os bydd diffoddwr tân yn dod yn barhaol anabl i gyflawni unrhyw ddyletswyddau sy’n briodol ar gyfer ei rôl flaenorol.

• Trosglwyddo eich Buddion

  Os ydych yn gadael neu’n dewis peidio â chyfrannu bellach i GDT 1992, mae gennych ddewis ynghylch beth i’w wneud â’ch budd-daliadau. Fel y bydd gennych yn awr mwy na 2 flynedd o wasanaeth cymhwyso yn CDT 1992, gallwch drosglwyddo eich hawliau pensiwn i gynllun pensiwn arall, neu cadw’r budd-daliadau gohiriedig yn CDT 1992.

  Gallwch drosglwyddo hawliau pensiwn i cynllun pensiwn arall yn y sector cyhoeddus; neu unrhyw gynllun pensiwn sydd wedi’i gofrestru gyda Chyllid a Thollau Ei Mawrhydi (y gallant gynnwys cynllun pensiwn personol). Bydd y taliad trosglwyddo ar ffurf gwerth trosglwyddo.

  Mae nifer o faterion i’w hystyried cyn trosglwyddo. Rhaid i chi fod yn ymwybodol o'r cyfnod sydd gennych (h.y. 12 mis ar gyfer trosglwyddo i gynllun yn y sector cyhoeddus) ac gall ystod a math y budd-daliadau a gynigir gan gynllun arall fod yn gwbl wahanol i’r rheiny a gynigir gan CDT 1992.

  Dalier Sylw

  Mae'r Llywodraeth wedi gwahardd unrhyw drosglwyddiadau o gynlluniau pensiwn gwasanaeth cyhoeddus heb eu hariannu (megis y Cynlluniau Pensiwn Tân) i Gynlluniau Pensiwn Cyfraniad Diffiniedig a threfniadau budd-daliadau hyblyg eraill o'r 6ed Ebrill, 2015.