Cynllun Pensiwn Diffoddwyr Tân

Cynllun pensiwn cyflog terfynol yw CPDT 2007, sy’n golygu y bydd eich pensiwn yn gyfran o’ch cyflog pensiynadwy cyfartalog terfynol. Bydd y gyfran yn dibynnu’n rhannol ar faint o wasanaeth pensiynadwy sydd gennych yr adeg yr ydych yn gadael y cynllun. Am bob blwyddyn o wasanaeth pensiynadwy, rydych yn cael 1/60fed o’ch cyflog terfynol yn bensiwn blynyddol.

Fel diffoddwr tân llawn amser neu ran-amser, mae pob diwrnod o wasanaeth pensiynadwy yn cyfrif fel 1/365fed o 1/60fed. Er enghraifft, os ydych yn ymddeol yn 60 oed a gennych 35 mlynedd a 28 diwrnod o wasanaeth pensiynadwy a chyflog pensiynadwy terfynol sy’n £32,000, caiff eich pensiwn ei asesu fel a ganlyn:

35mlynedd 28/365 diwrnod x 1/60fed x £32,000 = £18,707.58 pensiwn blynyddol

Wrth ymddeol, bydd gennych hefyd y dewis o gyfnewid rhywfaint o’ch pensiwn am gyfandaliad di-dreth.

Beth os wyf yn Ddiffoddwr Tân Wrth Gefn?

Os ydych yn ddiffoddwr tân wrth gefn mae’r egwyddorion ynghylch cyfrif eich budd-daliadau yn wahanol i’r rhai hynny a nodir uchod, oherwydd y gwahaniaeth yn y cyflog pensiynadwy a’r ffaith nad ydych wedi eich contractio ar gyfer nifer penodol o oriau.

• Gwasanaeth Pensiynadwy

  Hwn yw eich gwasanaeth yn aelod o CPT 2007 yr ydych wedi talu cyfraniadau amdano. Os yw eich oriau gwaith yn llai na rhai amser llawn, caiff hyd calendr y gwasanaeth ei gyfrif pro rata i adlewyrchu eich oriau rhan-amser.

  Er enghraifft, os ydych yn gweithio hanner yr amser ac wedi cwblhau 6 blwyddyn galendr o wasanaeth. bydd gennych wasanaeth pensiynadwy o 3 blynedd.

  Gall amrywiol gyfnodau eraill gyfrif fel gwasanaeth pensiynadwy e.e. y swm a gredydwyd ar dderbyn gwerth trosglwyddo o drefniant pensiwn arall, neu absenoldeb di-dâl (yn cynnwys absenoldeb ychwanegol ar gyfer mamolaeth a mabwysiadu) y mae cyfraniadau wedi’u talu amdano. Bydd unrhyw wasanaeth a brynwyd gennych gyda chyfraniadau ychwanegol i gynyddu eich pensiwn hefyd yn cael eu cynnwys wrth asesu eich pensiwn.

• Enillion Pensiynadwy

  Yn y rhan fwyaf o achosion, cyfartaledd eich cyflog pensiynadwy dros 365 diwrnod olaf eich gwasanaeth pensiynadwy bydd eich cyflog pensiynadwy terfynol. Os yw’r naill neu’r llall o’r ddwy flynedd flaenorol yn rhoi swm uwch, gellid defnyddio’r cyflog pensiynadwy terfynol o un o’r cyfnodau cynharaf hynny yn lle’r flwyddyn olaf.

  Os yw eich oriau gwaith yn llai na rhai amser llawn, er y bydd eich gwasanaeth pensiynadwy yn cael ei gyfrif pro rata i adlewyrchu eich oriau, y cyflog pensiynadwy terfynol a ddefnyddir i gyfrif eich pensiwn fydd eich cyflog pensiynadwy cyfwerth ag amser llawn.

  Dalier Sylw

  Fel arfer bydd yr egwyddor 'y gorau’r o’r 3 blynedd ddiwethaf' yn bodloni unrhyw amrywiadau mewn cyflog yn arwain at ymddeoliad.

• Cyfnewid eich Pensiwn

  Os byddai’n well gennych gael cyfandaliad yn ogystal â phensiwn pan ydych yn ymddeol, gallwch drefnu hynny drwy Cymudo.

  Cyn bod eich pensiwn yn daladwy, byddwch yn derbyn yr opsiwn hon ac felly bydd yn rhaid i chi ddewis a hoffech gymudo neu beidio. Os felly, rhaid i chi ddewis faint o’ch pensiwn y dymunwch ei gyfnewid am gyfandaliad. Gall hyn fod hyd at 25% o'ch pensiwn. Byddwch yn derbyn £12 o gyfandaliad am bob £1 o bensiwn yr ydych yn ei gyfnewid.

  Enghraifft

  Os bydd gennych hawl i £16,000 o bensiwn blynyddol, gallech gyfnewid hyd at £4,000. Byddai hynny’n gadael pensiwn o £12,000 a chyfandaliad o £48,000 (£4,000 x 12 = £48,000).

• Diffoddwyr Tân Wrth Gefn

  Os ydych yn ddiffoddwr tân wrth gefn, caiff eich budd-daliadau pensiwn eu cyfrif drwy ddefnyddio’r un fformiwla â’r un ar gyfer diffoddwyr tân rheolaidd, ond mae’r modd y cyfrif eich gwasanaeth pensiynadwy yn wahanol.

  Y fformiwla sylfaenol a ddefnyddir i asesu eich pensiwn yw:

  Gwasanaeth pensiynadwy x 1/60fed x Cyflog Terfynol

  Eich cyflog terfynol yw lefel y cyflog y byddech wedi’i dderbyn petaech yn gweithio fel diffoddwr tân llawn amser. Os yw eich cyflog wedi cael ei leihau, mae’n debygol y bydd eich cyflog terfynol yn cael ei seilio ar y cyflog gorau yn ystod 3 blynedd olaf eich gwasanaeth.

  Mae eich gwasanaeth pensiynadwy yn dibynnu ar eich cyflog. Caiff yr union gyflog pensiynadwy yr ydych wedi’i dderbyn rhwng 1 Ebrill a 31 Mawrth ei gymharu â chyfradd cyflog cyfwerth ag amser llawn ar gyfer eich rôl.

  Enghraifft

  Mae diffoddwr tân wrth gefn wedi gweithio am 3 blynedd, o 1 Ebrill 2017 i 31 Mawrth 2020. Cyflog cyfwerth ag amser llawn ar gyfer ei rôl dros yr un cyfnod o 3 blynedd yw:

  • 1 Ebrill 2017 i 31 Mawrth 2018 - £24,000
  • 1 Ebrill 2018 i 31 Mawrth 2019 - £26,000
  • 1 Ebrill 2019 i 30 Mawrth 2020 - £28,000

  Yr union gyflog a dderbyniodd y diffoddwr tân oedd:

  • 1 Ebrill 2017 i 31 Mawrth 2018 - £6,500
  • 1 Ebrill 2018 i 31 Mawrth 2019 - £4,000
  • 1 Ebrill 2019 i 30 Mawrth 2020 - £8,500

  Caiff y gwasanaeth pensiynadwy yna ei gyfrif fel a ganlyn:

  • 1 Ebrill 2017 i 31 Mawrth 2018 - £6,500/£24,000 = 0.2708 o flwyddyn
  • 1 Ebrill 2018 i 31 Mawrth 2019 - £4,000/£26,000 = 0.1538 o flwyddyn
  • 1 Ebrill 2019 i 30 Mawrth 2020 - £8,500/£28,000 = 0.3036 o flwyddyn

  Cyfanswm y gwasanaeth pensiynadwy = 0.7282 o flwyddyn

  Gyda chyflog terfynol o £28,000, caiff y budd-daliadau pensiwn yna eu cyfrif:

  0.7282 x 1/60 x £28,000 = £339.82 pensiwn blynyddol